大判拖糧9個月　外判維修工到紅磡建築署抗議

一批建築署外判維修工，繼上月18日到屯門大會堂停車場追薪後，今（6日）晨到紅磡崇平街建築署物業事務處抗議，直指遭大判拖糧九個月，已山窮水盡，養妻活兒也成問題，走投無路下再度抗議，希望建築署協助解決。

今晨8時30分，45名外判維修工到崇平街九龍建築署對開馬路拉起「有汗出無糧出」橫額，工人代表龍哥表示，他們的工作主要是維修政府地方，去年9月大判已開始拖糧，至12月已再沒出糧，受影響工人超過70人，他們公司也有十多人被拖糧，涉款250萬元。

龍哥批評，建築署作為工程老闆，眼見工人被拖薪，應該責成大判出糧，以解工人困境，「建築署同個大判，就好似乜都唔關事咁樣」，他表示，建築署應該已支足工程費，但大判懶理工人死活，「屋企冇飯開，借錢借到無可再借，申請綜援又唔得」，令工人感到徬徨無助。至早上11時許，大判商與工人代表在建築署辦事處開會，暫未有結果。