結婚築愛巢　上車客睇樓三次768萬購南豐廣場｜單位直撃

有上車客為結婚築愛巢，睇樓三次即決定以768萬元購入將軍澳南豐廣場兩房戶。

中原地產分行高級分區營業董事伍錦基指，南豐廣場2座高層D室，兩房間隔，實用面積450平方呎，向西北，望市景，裝修企理。據悉業主因為移民，上月開始以780萬元放售單位。

放盤不久即遇上為結婚而部署入市的上車客。該上車客有感「結婚唔買唔通租樓？」、「趁息口仍低，早啲供，供平啲」的心態，人生第一次睇樓便睇中上址，連睇三次即決定議價入市，終以768萬元承接單位，實用呎價17,067元。

原業主於2012年以348萬元購入上址，持貨十年，現帳面獲利420萬元，升值1.2倍。伍錦基指，南豐廣場5月首十日已錄3宗成交，追平上月全月成交量，平均成交呎價14,970元。