港女野人｜胡美貽帶5萬元私伙威士忌露營：呢個死都唔可以畀人
撰文：鄺鈺瑩
出版：更新：
何泳芍、胡美貽、陳若思同廖慧儀出發前，被勒令重新收拾行裝，但4人最快放棄嘅竟然係保暖衣物，真係要靚唔要命。
由何泳芍（Honey）、陳若思（Amber）、廖慧儀（Jessica）及胡美貽（Nicole）主持嘅J2節目《港女野人》，昨晚(4日）播出一集，講到4女準備「輕裝露營」，不過去到現場被工作人員發現行裝超重，於是被勒令re-pack。就鏡頭所見，有人帶薯片、大花菇，而胡美貽除咗酒之外，仲連Parma Ham以及托盤都帶埋，完全係打算去享受人生兼打卡。
胡美貽拎威士忌去行山！
差不多5萬元。
到重新收拾行裝時，胡美貽第一時將支酒放入背包，仲表示「呢個死都唔可以比人！」。細心一睇，原來胡美貽手上呢支係Macallan威士忌，售價約5萬元，唔怪之佢咁緊張，兼且唔怕重，拎晒托盤放Parma Ham，真係當自己拍《三日兩夜》？！支威士忌喺出發前被工作人員沒收，令佢十分失望，不過好在去到夜晚大家傾心事時，工作人員重新發還，胡美貽見番支酒，更感動到眼濕濕。
見返支酒，真係開心到喊。