香港空間改造王｜42萬成功打造無敵靚景 連滲水問題都解決埋
撰文：鄺鈺瑩
出版：更新：
最新一集《香港空間改造王》係要改造位於太子嘅3百呎單位，戶主阿榮係的士司機，6年前由親戚手上購入該開放式單位，所有傢俱一直沿用至今。阿榮表示雖然兩邊牆身都有多個組合櫃，但好睇唔好用，但最令佢頭痛嘅地方係單位有嚴重滲水問題，令牆身油漆剝落又或起水泡。
點擊睇改造
+12
經過改造之後，唔只滲水問題得到解決，就連單位都變成一房一廳格局，裝修走hip hotel形格路線，放得落沙發之餘，亦可以擺到張6人餐桌，不過最正嘅都係設計師將原本一格格嘅玻璃窗，變成超大玻璃窗，令戶主可以飽覽旺角嘅景觀。整個改造最後埋單42萬，睇嚟都算物超所值。