56歲梁榮忠滿頭白髮顯滄桑堅持唔染髮：演員走唔過年齡呢樣嘢
撰文：吳子生
出版：更新：
梁榮忠認為自己做幕後，無需將一頭白髮染黑見人。（梁碧玲攝）
梁榮忠今日（1 8/7）現身香港電台電視大廈出席港台劇集《獅子山下2022》記者會。提到在單元劇《得閒飲茶》自編自導自演。梁榮忠笑言：「其實所有嘢同資源分配好有關係，如果可以再強啲嘅話，我係可以請多啲演員。點講都係問題，去到最後計唔點數，唯有自己做囉。茶水唔夠人我都會做埋，始終一手一腳自己做點都會開心，而且見到自己嘅作品面世，就好似完成自己嘅夢一樣，辛苦都值得。」
梁榮忠在港台劇集《得閒飲茶》自編自導自演。（梁碧玲攝）
被問到滿頭白髮是否度劇本所致？梁榮忠笑言：「本身已經夠多，哈哈！不過我希望下一次能夠做阿爺嘅角色，因為作為演員係走唔過年齡呢一樣嘢，而我就好鍾意葉蒨文嗰句「要優雅地老去」。咁我就覺得年青時做過年青嘅角色，年過30又做過小生，到而家到50過外，咁我做一啲老嘅角度係好好嘅事。（有網民話你好滄桑，點解唔染髮？）其實因為近年我做幕後，咁其實染髮同唔染髮我都係匿埋喺後面，咁所以覺得染嚟仲乜嘢呢。況且真係唔想嘥時間去染頭髮，情願將啲時間做其他有用嘅嘢好過。」