睇樓逐呎度：銀湖 ‧ 天峰200呎大廳好使好用

香港人工作壓力大，放工返屋企梗係想「停一停、抖一抖」喇！今期《睇樓逐呎度》參觀咗馬鞍山銀湖 ‧ 天峰嘅單位，大廳冇玄關之餘，採長形設計，面積足足有200方呎，加上樓底逾9.3呎，無論擺放組合櫃定其他大型家具都話咁易！BTW呢個單位裝修概念以「浪漫情懷」為主題，大廳遍佈粉紅色，啱晒年輕新婚夫婦。

Click入去 http://bit.ly/2mCYasW 可以360度睇埋單位實景！

今期《睇樓逐呎度》去到屋苑8座一個兩房單位，實用面積543方呎，樓底逾9.3呎。單位冇玄關，直入面積約200方呎嘅長形大廳，廳堂長逾19呎，客廳與飯廳分野清晰，易於擺放家居。客廳外連近18方呎露台，住戶隨時可欣賞室外景致。

寢區開則歸一，設於廳堂旁邊，兩個房間方正少角位，其中主人房長逾9.4呎，加上有逾10呎曲尺大窗，採光度十足，可惜細房面積僅約42方呎，布局需花心思。

浴室比例合理，另設有時下新型浴室較少見嘅小窗戶。至於廚房長逾9呎，走動位多，且外連工作平台方便晾乾衣物，設計貼心。

世紀21奇豐程子健表示，雖然同區有新盤開售搶客，但受賣地理想及新盤屢創新高帶動，銀湖 ‧ 天峰放盤價仍然硬淨，個別更封盤或反價。他續說，本月屋苑暫錄得4宗成交，而上述兩房單位同類放盤約20個，入場費730萬元。

馬鞍山銀湖 ‧ 天峰落成僅8年，是區內新進屋苑之一，由7座物業組成，共有約2,169伙，設大型會所，加上位處港鐵烏溪沙站上蓋，距離港鐵站大堂及巴士總站僅1分鐘步程，佔盡交通優勢。惟隨着屋苑前方嘅新進大型屋苑迎海落成，部分向海單位景觀被遮擋。

─ ─ ─ ─ ─ ─ ─

東網已全面支援360影及相片，讓你全方位睇盡新聞大事，恍如置身現場，立即登入東網360專頁：http://on.cc/360/

「致富智庫」領悟理財/職場智慧，一Click改變一世