睇樓逐呎度：灝景灣長窗台　善用考心思

東網電視

好多人話屋企有超長窗台「好唔見使」，擺喺度唔知點用好？今次《睇樓逐呎度》嘅青衣灝景灣單位就係呢種典型「奇則」。9呎長窗台同個廳嘅闊度一様，除咗放擺設、當長凳坐，可能就只有放晾衫架上去，掛到窗前面成堆萬國旗咁囉！

今次逐呎度走訪嘅兩房海景單位，實用面積499方呎，實用率雖然唔算高，只係得73%，但勝在無玄關位，長廳格局令到地方更加好使好用，面積有178方呎，配合超過9呎高樓底，擺放大件家具自然無難度啦！不過，大廳窗台足足有近9呎，大減實用程度，住客要花心思諗吓點好好利用佢。

單位寢室布局四正，設計歸一，實用面積分別81方呎及46方呎，各自有大窗戶，空氣流通之餘，窗外海景一望無際，景致開揚。

可惜以兩房戶嚟講，浴室較為淺窄，面積只得31方呎，廚房亦只有44方呎，活動空間認真唔夠，加上房間外面虛位較多，影響實用性。

青衣站一帶的大型屋苑，向來係區內樓價指標，其中灝景灣屬鄰近港鐵青衣站的屋苑，分3期發展，共提供逾2,800伙，樓齡最舊約18年，保養企理新淨。屋苑臨海而建，不少單位甚至兩房戶都可以望海景，景觀寬敞優越。

美聯樊志聰表示，屋苑5月份二手交投不俗，共錄得10宗買賣成交。現時兩房戶入場費較今年初略為回升，最平叫價約580萬元起。

─ ─ ─ ─ ─ ─ ─

「致富智庫」領悟理財/職場智慧，一Click改變一世

「東網Money18」fb專頁：有討論、有分析，齊來FUN享，贏盡●你Like

on.cc東網