菁英盃　和富大埔鬥港會難分難解

「菁英盃」周日（6日）於旺角大場球上演A組賽事，由和富大埔鬥港會。兩支踢法硬朗的球隊，表現各有驚喜，今季首次碰頭，必定踢到難分難解。（周日晚上6時開賽）

大埔過去兩場聯賽保持不敗，包括去役靠保連奴臨完場前的入球逼和標準流浪，主教練李恆匯認為上場戰果對球隊士氣有正面影響。對手港會今季表現大有改進，「匯Sir」預計今場戰況會非常緊湊：「港會今季聯賽做得好好，尤其防守硬淨，我哋同港會都會係『55波』，唔會有任何優勢。」「匯Sir」透露今場會調整陣容，為月尾兩軍聯賽再交手作預演，至於上周末因傷倦勤的馮冠鳴已痊逾，今場有望重返大軍名單。

上場港超賽和冠忠南區的港會，目前開季7場各項賽事僅得一敗，令人眼前一亮。對於球隊將於「菁英盃」與和富大埔交手，主教練東尼咸美頓（Tony）稱對方有一定實力，會為港會帶來困難：「我喺開季之後，睇咗大埔幾場賽事，見到佢哋有好大進步，有能力對我哋造成威脅，所以我預計今場會好難踢。」Tony又提到可能會藉「菁英盃」作輪換，讓年輕球員上陣，令部份球員獲得休息。