油麗邨鹹水管3連爆　整完樓上爆樓下

油麗邨水管連環爆，天降鹹水襲民居！油麗邨碧麗樓有外牆喉管爆裂，噴出水柱波及下層單位，問題持續近1個月仍未解決。

居於碧麗樓的陳先生指大廈外牆有喉管在4月初爆裂，當日只見窗外有水珠如雨水般傾瀉而下，須即時緊閉全屋窗戶，以防家電及家具被弄濕，「投訴咗好多次，但好似一直冇人理，差不多成個月，啲水仲愈噴愈勁，仲要唔知嗰啲係咪污糟水，樓下啲花花草草畀佢淋完都好似枯死晒！」

陳更指年前大廈外牆水管亦曾爆裂，洗手間的抽氣扇更疑因此故障，「依家又係咁，搞到我一路都唔敢裝番個抽氣扇！」除陳先生的單位受波及外，爆水管位置對落單位亦同一命運。記者視察當日雖天清氣朗，但碧麗樓地下附近一帶地面皆水漬斑斑，「雨粉」更不斷灑下，喉管爆裂位置更有一清晰可見水柱「不停噴水」。

油麗邨物業服務辦事處發言人承認，4月初接獲反映後已派員視察，發現12樓有單位外牆鹹水喉滲漏，即時關上鹹水喉閘掣，同時安排搭棚進行工程並在4月9日完成維修。不過，同月18日，13樓外牆亦有鹹水喉爆裂，要再次安排搭棚維修，工程於21日完成，惟翌日恢復供水時，維修人員又次發現10樓的喉管爆裂，已即時聯絡住戶，並安排在28日搭棚維修，於翌日已恢愎正常。

發言人解釋，過去碧麗樓曾有鹹水喉管滲漏個案，主要與外牆鹹水喉管長時間曝曬、加速接駁位老化有關，已計劃於今年內，為碧麗樓外牆老化情況較嚴重的鹹水喉更換接駁位及相關喉管，以徹底改善情況。

「油麗（邨）都唔係好舊，入伙到依家只係10年左右，個情況點會差到連續咁爆！」觀塘區區議會房屋事務委員會主席柯創盛認為事件罕見，質疑管理公司未有做足日常保養維修工作，以致喉管長期處於不良狀態。柯又炮轟房署監管外判管理公司不力，即使喉管早已多次出現問題，仍未有及早更換，接連令住戶受影響，要求該署認真檢討現有監管制度。