地產代理苦心經營劈價廣告牆 食正世盃熱促銷：業主熱愛阿根廷

「息魔」蠢蠢欲動拖累樓價回落，買磚頭的都謹慎持觀望態度。交投淡靜下地產代理都擔心經營了個寂寞，物業廣告都搞起花樣和花起心思來。

西環一間地產代理以「當別人恐懼旺時」為題裝飾劈價廣告牆。網圖

西環一間地產代理以「當別人恐懼時」為題的劈價廣告牆近日惹來網民關注，特別以「睇嚟呢一刻代理嘅心情仲亂過班業主喎…」為題發帖。

位於映灣園內的地產代理為每個單位度身訂造促銷標語。

網民細看後認為代理的廣告牆充滿「香港大刀會，劈、劈、劈」氛圍，格局似深水埗執笠倉。有擅打心理戰的網友分析指，「將廣告牆佈置出荒亂的感覺，讓買家以為地產代理恐荒性拋售單位，買家可襯勢撈底。」

心水清網民以簡單一句「都係好貴」作總結。網上截圖

另有網民將這情景形容為「好似俾人貼大字報追數咁」、「曾灶財」、「發晒芧」、「唔知以為畀人追鋪租」、「似俾人追數多啲，欠債還錢」、「以為好似夜冷咁就有人嚟執平貨？」、「間嘢似執咗笠畀人貼哂街招咁」，更有網民冷嘲為「連燶牆」。

擅打心理戰的網民分析指，「將廣告牆佈置出荒亂的感覺，讓買家以為地產代理恐荒性拋售單位，買家可襯勢撈底」。網上截圖

對於牆上充滿溫度的手寫式廣告，有另類看法的網民則關注是否生意差至「連印刷費都畀唔起嗎？」、「連printer都用唔起」。

網友形容廣告牆「好似俾人貼大字報追數咁」。網上截圖

不過，買樓不同買棵菜，最重要還是看價錢，有心水清的網民指，雖然「大劈價」、「含淚出售」、「劈價筍盤」、「劈價必走」、「超筍」、「優質盤大劈」、「勁筍移民盤」、「超高質素劈價」之聲不絕，但簡單一句仍然是「都係好貴」。

有網民關注代理是否「連printer都用唔起」。網上截圖

另一邊廂在東涌，位於映灣園內的地產代理布置相對斯文，一個紅底爆花「劈」字下，為每個單位度身訂造標語，如食正世界盃熱的「業主熱愛阿根廷」，另有「認命敗走回鄉」、「無筍你又搵，筍嘅你又唔敢」、「買樓仲可以送『新租客』」等，更推出「古有女媧補青天，今有業主補孖展」的「苦口婆心價」。

帖文來源：香港人點買樓

地產代理劈價廣告牆多花臣。

有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。

的士誤衝屋苑消防通道

有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。

突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。

(FB圖片）

狗仔當場被撞斃 男童則擦傷

不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。

(FB圖片）

事主留言還原真相

帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。

(FB圖片）

(FB圖片）

網民大罵的士司機

不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。

亦有網民批評事主無用狗繩

不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」

事主解釋為何未用狗繩

樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。

(FB圖片）

帖文來源： 「車cam L（香港群組）」