克羅地亞再創歷史　莫迪歷玩足18年

足球博彩神器，每日重心提供盡在《彩報》：http://win.on.cc/football/　

周一(26日)凌晨歐國聯A1組賽事，克羅地亞作客3比1擊敗奧地利，歷史性躋身歐國聯4強，繼2018年世界盃殺入決賽後，再次寫下克羅地亞足球歷史。37歲嘅莫迪歷仍然係球隊靈魂，佢今場為克羅地亞先開紀錄，日前更證實會踢埋2024年歐國盃，喺國家隊玩足18年！

克羅地亞今場表現積極，開波6分鐘莫迪歷就殺入禁區射入1比0，奧地利3分鐘後閃電追平，但克羅地亞沉着應戰，馬高利華查69分鐘入波再為克羅地亞領先，洛夫雲3分鐘後再建一功鎖定勝局。克羅地亞喺頭2屆歐國聯都係小組第3，今屆終於取得突破殺入4強。

莫迪歷喺2006年以21歲之齡首次為克羅地亞上陣，到依家37歲仍然係球隊靈魂，克羅地亞軍醫日前更證實，莫迪歷已決定踢埋2024年歐國盃，到時佢已經39歲！莫迪歷賽後表示：「奧地利係支難應付對手，但我哋值得贏波，好開心可以殺入4強。」