曾經凍結C朗　31歲大衞辛頓黯然掛靴

最強博彩盤路過關神器《串績王》：http://win.on.cc/football/　

曾被譽為「新馬甸尼」嘅意大利左後衞大衞辛頓，因為敵不過傷患，年僅31歲就宣布掛靴，實在令人婉惜。

曾經效力國際米蘭、紐卡素嘅大衞辛頓，今夏約滿離開羅馬後，就冇球會收留，佢表示傷患問題係決定退役嘅主因：「近幾年我受過太多傷，已經無法堅持落去，如果要繼續踢波，恐怕要冒截肢風險，我嘅雙腳仲可以用來行路，但無法再做職業球員。」據悉大衞辛頓右膝做過3次手術，連彎曲都有困難。

大衞辛頓屬於國際米蘭青訓產品，18歲就為一隊上陣，代表作一定係2009年2月歐聯16強首回合成功凍結C朗，協助國米打和曼聯0比0。大衞辛頓一戰成名，並迅速晉身意大利國家隊，被譽為「新馬甸尼」。

不過，大衞辛頓之後事業發展一般，2011年轉投紐卡素，2015年重投國米，4年前加盟羅馬，只上陣53次有3次助攻。