【官宣】森林簽奧里亞　破紀錄第22個新兵

最強博彩盤路過關神器《串績王》：http://win.on.cc/football/　

今季重返英超嘅諾定咸森林，今個夏天「買上癮」，雖然轉會窗已經關閉，但森林仍然喺自由身市場執貨，周四(8日)宣布簽入科特迪瓦右閘奧里亞，成為球會今夏第22個新兵。

森林發聲明宣布同29歲嘅奧里亞達成協議，依家只待工作證就可以正式落實，呢位曾經效力巴黎聖日耳門同熱刺嘅球星，今夏同維拉利爾約滿後一直未落班，今次重返英超務求大展拳腳。

簽埋奧里亞後，森林今夏破紀錄嘅買人增加至22人，係英國球會史上單一轉會窗最高紀錄，舊紀錄係蘇格蘭球會登地聯(2000年)同英格蘭低組別球會利雲斯頓(2001年)嘅19人，而英超紀錄就係水晶宮喺2013年簽17人。