伊巴浴血　AC米蘭33次射門都入唔到波

足球博彩神器，每日重心提供盡在《彩報》：http://win.on.cc/football/　

周二(5日)凌晨意甲出現爆冷賽果，榜首AC米蘭主場出擊，圍攻博洛尼亞，全場有33次射門，但都入唔到波，打和0比0。A米今場着「褪色波衫」比賽，唔止失分，仲有神鋒伊巴謙莫域被撞爆眼角，血流如注，睇嚟呢件新球衣唔多吉利喎。

雙方實力有距離，AC米蘭挾3連勝強勢猛攻對手，基奧特、巴謙戴亞斯、皮爾卡魯魯等球員多次攻門都無功而還。踢到70分鐘，伊巴謙莫域後備上陣搏殺，但入唔到波之餘，仲因為同對手加利美度相撞，搞到眼角血流如注，兩人都要用繃帶包紮。

AC米蘭今場有33次射門，創下球隊近17年以來最多射門而又未能入波嘅聯賽，A米現時只係領先第2位拿玻里1分，爭標出現暗湧。