雙紅會推遲　曼聯鬆一口氣！

足球博彩神器，每日重心提供盡在《彩報》：http://win.on.cc/football/　

由於利物浦殺入英足盃8強，令到曼聯作客利物浦嘅「雙紅會」推遲，紅魔鬼得到喘息機會。

曼聯近況麻麻，上場對屈福特又失分，跟住仲要迎接魔鬼賽程，佢哋嚟緊要對曼城、熱刺、馬體會，原本要喺3月20日作客利物浦，以該隊近期情況，呢個賽程相當凶險。

隨住利物浦殺入英足盃8強，下圈賽事將於3月19或20日舉行，因此聯賽主場對曼聯自動讓路，曼聯得到喘息機會，算係近期難得嘅好消息。

英超首循環利物浦作客曼聯，當時利物浦5比0狂數曼聯，穆罕默德沙拿連中三元，迪亞高祖達同拿比基達都有士哥，曼聯就有保羅普巴領紅牌，今次再交手，曼聯改由蘭歷克執教，但成績一般，而利物浦則簽入路爾斯戴亞斯，攻力更強，曼聯點計都唔夠砌。