英超最年輕入球者　33歲做埋總監！

足球博彩神器，每日重心提供盡在《彩報》：http://win.on.cc/football/　

英超近年新星輩出，不過由前愛華頓球星占士禾漢喺2005年創下嘅英超最年輕入波紀錄，至今仍然未有人打破。依家33歲嘅占士禾漢，日前正式獲英乙球隊燦美爾委任為總監，繼續佢嘅神奇足球之旅。

2005年4月，只得16歲271日嘅占士禾漢為愛華頓處子上陣，並且攻破水晶宮大門，令佢超越占士米拿成為英超最年輕入球者，紀錄到依家都未被打破，不過呢位前鋒之後受到傷患困擾愈踢愈沉，上年喺燦美爾約滿後宣布掛靴。

占士禾漢球員生涯高開低走，不過佢非常努力，最近完成體育管理學碩士課程後，立即獲燦美爾聘請做球會體育總監，占士禾漢表示：「我效力燦美爾2年，同主席傾過之後，好興奮可以成為球隊未來計劃一部份。」燦美爾目前排英乙榜首，大有機會升上英甲。