C朗勁爆訪問：我唔係嚟曼聯爭第6位！

最強博彩盤路過關神器《串績王》：http://win.on.cc/football/　

曼聯今季成績未符預期，王牌球星C朗拿度近日更被傳出萌生去意，呢位葡萄牙球王近日接受《天空體育》專訪，大談依家曼聯嘅情況同難題，C朗講明「我唔係嚟曼聯爭第6位！」但強調新帥蘭歷克需要時間改變球隊。

被問到球員心態係咪出現問題，C朗直接表示：「呢個就係重點，任何以低過英超前3名為目標嘅諗法都係難以接受，我哋有能力改變現狀，我亦知道應該點做，但我唔係教練，由我講出嚟唔啱規矩，可以講嘅係曼聯能夠踢得更好，我嚟曼聯唔係要爭第6、爭第7或者第5位，我要贏、我要有競爭嘅能力。」

曼聯依家落後榜首嘅曼城22分，但C朗表示新帥蘭歷克應該有更多嘅時間：「蘭歷克上任5個星期已經改變球隊好多，但要同所有球員傳遞理念係需要時間，我相信蘭歷克會做得好好。曼聯依家唔係踢出最好嘅足球，但我哋仲有好多比賽可以去改進。」