【多圖】睇樓逐呎度：宇晴軒奇則係咩玩法？

東網電視

屋企窗台位太多，業主們應該點好好善加利用呢？好似今期《睇樓逐呎度》帶大家參觀長沙灣指標屋苑宇晴軒嘅單位，廳房窗台位加埋近50方呎，如果計埋佔地約24方呎嘅玄關，虛位唔講唔覺足足逾70方呎！嘩嘩嘩，計落面積仲大過間主人房...到底呢個「奇則」係咩玩法？

今期《睇樓逐呎度》走訪屋苑5座兩房單位，實用面積484方呎，樓底高逾8.8呎，整體布局工整，入屋先經廚房及浴室才進入大廳。客飯廳採直廳設計，面積近150方呎，長逾16.6呎，擺放家具相當容易。另客廳設大玻璃窗，令室內光猛舒服。

至於兩間睡房開則歸一，位於廳堂旁，其中主人房面積逾62方呎，長逾9呎，地方見使好用。惟客房偏細，面積逾51方呎，僅夠放單人床及衣櫃。

廚房及浴室比例勻稱，迎合小家庭需要。不過，呢個單位虛位奇多，單單係大門入口嘅玄關長逾8呎，浪費室內空間。另外，廳堂及兩個睡房皆設有窗台，合共長逾21呎，大大拖低單位實用性。

港置曾家輝表示，上述走訪單位同類放盤約10個，由於景觀分野大，叫價頗參差，其中入門盤為向北望墳景單位，叫價約680萬港元。至於較優質嘅同類單位主要向東，望球場及開揚市景，最低消費750萬元。他續說，受新盤搶客影響，加上屋苑放盤價硬淨，本月交投減慢，至今暫錄6宗成交。

宇晴軒對外交通便利，住戶步行數分鐘即達港鐵荔枝角站，搭港鐵四圍去，頃刻即達。屋苑周邊配套設施完善，不但設有商場，且貫通毗鄰昇悅居及泓景臺商場，且會所規模大，大人細路到樓下即可玩餐飽。另屋苑分兩期發展，樓齡介乎11至12年，6座物業提供逾2,200伙，主攻兩房單位。

─ ─ ─ ─ ─ ─

東網已全面支援360影片及相片，讓你全方位睇盡新聞大事，恍如置身現場，立即登入東網360專頁：http://on.cc/360/

香港樓市日日新鮮，話題多多，想睇晒最update樓市新聞短片，即刻click入http://bit.ly/1M2kP95

樓市乍熱，想睇更多一、二手樓精彩故事，即click以下連結：

新盤置啱睇

二手置啱Feel

on.cc東網