睇樓逐呎度：泓景臺大玄關點用好？
20170319
東網電視
更多新聞短片
要數屋企最「唔知點用好」嘅地方，莫過於返到屋企一打開門即刻見到嘅玄關位！今期《睇樓逐呎度》帶大家去到長沙灣「四小龍」之一嘅泓景臺，單位入口設有長6呎幾嘅玄關，且闊3呎幾，地方仲大過單位個露台，甚至放得落一張單人床添，認真麻麻地實用囉，咁多位網民不妨諗諗計，點將玄關位「化腐朽為神奇」！
今期《睇樓逐呎度》參觀咗屋苑2房戶型，實用面積491方呎，實用率約76%，樓底逾8.9呎。廳堂以長形設計，面積約160方呎，廳長逾16.6呎，客飯廳間隔分明。至於客廳最大特色係設有闊逾6.6呎嘅落地玻璃大窗，若計埋旁邊連接露台嘅落地玻璃趟門，整個曲尺窗位長近12呎，可以引入充足自然光，令到室內光猛舒服。
2個睡房一大一小坐落於寢區內，大房面積逾58方呎，放置雙人床後走動空間唔算多；細房面積更加細，僅約50方呎，好彩唔設窗台，易於擺放家具。另廚房及浴室比例合理，迎合小家庭需要。
美中不足嘅係單位虛位多，除了入口設有長逾6呎嘅玄關外，寢區內嘅走廊亦長逾7呎，大大拖低單位實用性。
香港置業曾家輝表示，新盤熱賣及賣地成績理想，加快買家入市步伐，泓景臺2月份共錄12宗成交，交投屬長沙灣「四小龍」屋苑中最旺，3月份暫錄3宗成交，包括5座中層2房戶以逾720萬港元易手，實用呎價近1.6萬元。他續說，上述單位同類放盤現有約5個，入場費700萬元，實用呎價14,000餘元，呎價計屬「四小龍」屋苑入門之選。
泓景臺坐落長沙灣新興嘅住宅區，係中產家庭上車熱點，落成14年，7座大廈提供約2,528伙，設會所及商場，鄰近港鐵荔枝角站，生活配套俱全。
─ ─ ─ ─ ─ ─ ─ ─
香港樓市日日新鮮，話題多多，想睇晒最update樓市新聞短片，即刻click入http://bit.ly/1M2kP95
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel