蔚雨芯太後生雪唔到卵　望33歲嫁得出自然懷孕

「魔鬼胸」女神蔚雨芯（Rainky）今晚（11日）就起程，跟陳靜（Dada）一齊飛到美國進修，Rainky透露兩人揀選一樣的課程作伴，談到Dada之前計劃到美國進行雪卵，她坦言之前在港看婦科醫生，諮詢過專業意見：「醫生建議我暫時唔好做住，因為我都係29歲太年輕，Dada比我大幾年，如果我到咗33到35歲先嚟雪比較好，因為雪卵只能儲存10年，所以雪到45歲保障大啲。」

Rainky說：「可能我喺33歲之前遇到Mr. Right（真命天子），到時就可以自然懷孕，雪卵係幫女性買多一個保險啫，我自己好鍾意小朋友，都希望將來有自己嘅小孩，所以有需要時都會買呢個保障，但暫時未去到呢個Plan（計劃）住，醫生話仲係好年輕同健康，暫時唔建議我做。」

美國之行她會逗留三個月，所以這幾日她爭取時間與家人聚天倫，前日就全家人去郊外BBQ，她說：「嗰度可以Camp，但兩個姪女太細，唔方便過夜，所以玩咗大半晝，BBQ同賞月，我哋仲帶埋狗仔去，尋晚中秋就喺屋企打邊爐，今晚都會同佢哋食埋晚飯先出發去機場。」