「離婚」28日︱林利與台妻破冰轉身撐枱腳賀復合

藝人林利於六月時遭台籍太太Erin爆出拒行房引起風波，最終決定於上月19日簽字離婚，Erin之後更發文指有男人喺佢屋企發酒癲，將其手機掟穿牆，留言：「暴力相向的男人真的是受夠了！」似乎二人關係綻盡至此。正當大家以為係大結局Sad ending時，點知二人嚟招180度破冰，於本月15日忽然合體撐枱腳，Erin更加好似冇事發生過一樣Post合照晒幸福！

佢留言指自己依家愈食愈多，成個人有福相，順勢晒出同林利嘅車廂合照，令人不禁驚訝離婚28日後就「神復合」。有網友就發現原來Erin將上月發文「明天去簽字」改成「找天去簽字」，似乎二人未有正式離婚，耍完花槍，依家決定回歸恩愛生活，繼續放閃公告天下。不過有口臭網友唔多祝福，竟去到Erin發文下留言勤分手，最後被Erin block咗account。