尾二一屆口罩小姐選舉 ︳網紅西童迫爆身材一秒認出 55歲美魔女用胸打鼓喪過ERROR
ViuTV嘅《尾二一屆口罩小姐選舉》呢個星期出街,由於早前MIRROR演唱會意外,令到節目宣傳近乎零,但無損娛樂性,播咗2集已經有佳麗一秒被認出,仲有睇落唔似55歲嘅美魔女出場。
最多人認得嘅應該係60號,因為身材夠爆。不過由於表演射橡筋太膠,要靠肥仔出手相救先入圍。巴打們好快就認得60號係網紅西童,因為節目出咗幾張佢IG嘅相。
西童早幾年因為以低胸造型去謝師宴嘅相廣為流傳,好快就成為網紅。西童曾經上Viu節目《戀講嘢》做嘉賓,自爆有個拍拖8年嘅男友。而家西童係DJ、網上時裝店主同紋身學徒。
另一個同樣有好身材嘅係21號,醒目嘅佢表演跳唱歌曲係隊長之一ERROR肥仔嘅LadyKilla。而佢亦都真係跳得好,仲跪地擘脾,難怪個個都話「肥仔鍾意呢種」,而佢亦得到評判直送入50強。21號真身叫Suki,本身有跳開舞,但係有網民踢爆Suki有照騙之嫌。
都係一眼就認出嘅係32號,嬌小身型有啲似糖妹,原來係youtuber kakawan(尹嘉裕)。Kaka做過網媒主播,佢IG自貼過箍牙前後對比,真係好唔同!
第2集出場嘅76號係位55歲女士,但係睇身型膚質兼聽埋聲,一啲都唔似!佢嘅表演係最癲最有印象,就係用唔同身體部位打鼓,難怪193都話黐線過ERROR。76號參賽原因係鼓勵病重家人,評判梗係俾佢入圍。
是日精選
尾二一屆口罩小姐選舉 ︳網紅西童迫爆身材一秒認出 55歲美魔女用胸打鼓喪過ERROR
電影LOL︳票房係《明日戰記》6倍 《獨行月球》係國產太空《真人Show》?
張天賦IG Story爆seed控訴外賣平台:明明係你遲到攪到我錯咁?
明日戰記 古天樂︳內地票房欠佳 疑似因為戲院「偷票房」手法曝光
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!