【明星炒樓】麥明詩家族炒納米樓幾和味 呢批藝人仲勁?
樓價持續高企,不少投資者轉手套現,「十優港姐」麥明詩家族,就算在高風險的納米樓市場仍搵到食。其實係娛樂圈炒樓同買樓發達,又點止佢地,更加「專業投資者」大有人在。
美股、外匯、加密貨幣免費即時報價,自選投資組合獲取相關新聞提示
麥明詩胞兄麥明山持有一個屯門「龍床盤」「菁雋」單位,曾內部轉讓予其父,近日再以285萬元沽出,成交呎價高達約2.14萬元,創項目新高呎價。以麥明山一手買入價213.6萬元計算,單位兩年帳面仍升值33%,帳面賺71.4萬元。因持貨不足三年要付10%辣招稅,除稅後仍賺約43萬元。不過,這些賺幅雖說吸引,對比其他藝人可能是小巫見大巫。
周星馳「炒樓之王」
除了喜劇了得,眾所周知藝人「星爺」周星馳是炒樓天才,市場保守估計,他現時擁有市值15億元的房地產投資。從90年代開始,他從炒樓就賺了20多億元。
最經典例子是,周星馳在04年以3.2億買下山頂「天比高」地皮,並引入菱電合作發展,將地皮重建為四間獨立屋,分別為普樂道10號、12號、16號以及18號。其中10號、16號、18號,分別在09年到11年出售,11年所賣出10號屋,造價更高達8億元,整體價格近15億元。現時他仍持有12號屋,市值保守計有10億元。
任達華「物業收集王」
除了周星馳,上一輩藝人大多喜歡買「磚頭」發財。以大哥「成龍」為例,曾炒賣荷里活比華利山超級豪宅,勁賺3000多萬元,而佢係香港曾賣出豪宅,亦勁吸7000多萬元。而另一藝人劉德華身家亦極其豐厚,據市場估計,佢持有物業至少有10個。
不過,要數手頭最多物業的藝人可能要數任達華。他持有超過30個香港和海外的物業,堪稱圈內「樓王」。今年佢更以首置身分,斥資3,740萬元購入中半山豪宅「御花園」一個低層單位連車位,以往佢置業佢係用公司名義。其實,今年佢曾售一個太子基隆街過千呎地鋪,閒閒地已帳面勁賺2,062萬元,升值1.5倍。佢一買一賣易過食生菜。
所以,娛樂圈中炒樓、買樓置富人士不勝枚舉,真係要多得香港這福地。